Abanyarwanda
batandatu 'bafunzwe n'inzego z'iperereza' muri Uganda
28
Ukw’icumi na kabiri 2017
BBC
Gahuza
Uwufise
ububasha kw’isanamu AFP Ikinyamakuru
Red Pepper cyo muri Uganda cyafunzwe kimaze gusohora inkuru yavugaga ko
perezida Yoweri Museveni yashakaga guhirika Paul Kagame ku butegetsi
Abanyamategeko
bunganira Abanyarwanda batandatu bafunzwe n'inzego z'iperereza muri
Uganda
barasaba ko uburenganzira bwabo bwubahirizwa.
Abagore bane
n'abagabo babiri biravugwa ko bafunzwe mu cyumweru gishize. Ibi bije
nyuma
y'amakuru y'ubushyamirane hagati ya Uganda n'U Rwanda.
Claudette
Ninsiima ni umwe mu bafite ababo bafunzwe.
Avuga ko
ataravugana cyangwa ngo abone umugabo we, Herbert Munyangaju, kuva ku
wa Gatatu
w'icyumweru gishize.
Bivugwa ko
yatawe muri yombi n'abagabo bari bafite intwaro ari mu kabari I Kampala
kandi
ubu afunzwe n'urwego rw'ubutasi bwa gisirikare.
Madamu
Ninsiima avuga ko afite impungenge z'umutekano w'umugabo we.
Yabwiye BBC
ati:
"Sinzi
niba atekanye, niba akiri muzima. Nifuza kumubona nkamenya impamvu
afunzwe.
Ubwoba mfite ni uko azicwa urubozo cyangwa akicwa cyangwa ibindi bisa
nabyo."
Umunyamategeko
wunganira abatawe muri yombi, Eron Kiiza, avuga ko abandi bantu batanu
bafite
ubwenegihugu bw'Abanyarwanda nabo batawe muri yombi.
Avuga ko abo yunganira baguye mu mutego w'ubushyamirane bwa dipolomasi hagati y'u Rwanda na Uganda.
Uwufise
ububasha kw’isanamu AFP Perezida
Paul Kagame yagiye ku butegetsi nyuma yo kuyobora inyeshyamba za FPR
Inkotanyi
zateye ziturutse muri Uganda
Yagize ati:
"Tuzi
ko hari ubushyamirane hagati y'u Rwanda na Uganda. Ubushyamirane ubwo
ari bwo
bwose hagati y'ibihugu bituranye ni ikintu gikomeye ariko twizeye ko
bitazakomera kurusha uko bikomeye ubu kubera ko Abagande n'Abanyarwanda
benshi
bari kubihangayikiramo."
Umuvugizi
w'ingabo za Uganda, Brigadier Richard Karemire, yanze kuvuga byinshi
kuri ibi
bibazo abwira BBC ko bireba urwego rw'imibanire hagati y'ibihugu kandi
ko
bizakemurwa mu nzira za dipolomasi.
Biracyagoye
kumenya impamvu iri ku isonga y'umwuka mubihagatiy'u Rwanda na Uganda.
Ariko mu
mezi macye ashize, ibihugu byombi byakoresheje uburyo bwa poropagande
mu
guharabikana.
Ikinyamakuru
gikomeye muri Uganda, "Red Pepper", cyandika amakuru ahishura
amabanga cyarafunzwe igihe cyasohoraga inkuru yavugaga ko perezida
Yoweri
Museveni yageragezaga guhirika ku butegetsi mugenzi we w'u Rwanda, Paul
Kagame.
Amakuru
yamagaywe na guverinoma ya Uganda.