Amakuru akomeje kuvugwa
hano mu mugi i Kigali.
None
ku wa mbere
tariki ya 26 ugushyingo 2007, amakuru agezweho hano Kigali ni itoroka rya Col Karegeya Patrick watorotse inzego z' umutekano kuwa gatanu anyuze
ku mupaka wa Gatuna.
Ayo makuru yashyizwe ahagaragara uyu munsi n'ikinyamakuru UMUSESO
cyasohotse kuri uyu wa mbere.
Kugira ngo ahitemo kunyura ku mupaka wa
Gatuna, Col Patrick Karegeya,
yarafite amakuru y'uko abakozi baho
ku mupaka badakora neza. Ibyo ni byo bita "Gusinzira ku kazi".
Yajyanye n'umukecuru we wari waraje
kumusura dore ko we yarasanzwe atuye
i Kampala.
Bageze ku mupaka, yabwiye
umushoferi na nyina ngo bage kwerekana
ibya ngombwa guteza cachet yo gusohoka ku byagombwa),
we yigumira mu modoka.
Bagarutse, nk'uko yakabiketse, ba bakozi si ugusinzira
gusa noneho baranagona. Ubwo baba bakandagiye icyuma bambuka umupaka.Bamaze kugera Uganda ahitwa Kabale, ngo bahasanze indi modoka yarimo ba
rutuku batatu. Ubwo bakomeje iya
Kampala ariko ntibahatinze.
Ubu
biravugwa ko bahise burira indege
yerekezaga i Doha muri Quatar, aho hakaba
ari mu bizinga by'abarabu. Aho rero ngo ni ho Col Karegeya agiye gukomereza kwiyondora dore ko bene wabo bamusizemo
imvune zitari zakira.
Ubu
rero Leta ya Kigali irahangayitse cyane bikomeye. Inkuru y'itoroka rya Karegeya yabaye
kimomo mu murwa mukuru w'u Rwanda ku buryo abantu bibaza
akari inyuma. Ubutegetsi ngo bufite impungenge kubera amabanga menshi kandi akomeye
y'igihugu yasohokanye.
Ikindi kandi giteye impungenge
ngo ni uko Col Karegeya ashobora kuba afatanyije na bya bipinga bisanzwe bizwi bikorera hanze birimo umudamu
witwa Vigitoriya Ingabire na ba Mushayidi n'abo ba Rusesabagina. Byabateye ubwoba bikabije kubera inkuru yaraye isakaye
i Kigali ivuga ko izo "negative forces" zose zamaze kwifatanya
zikaba zigiye gukorera hamwe.
Col
Karegeya atorotse yari amaze iminsi
nyuma yo gufungurwa kwe, abonanye na bamwe mu bakuru b'ingabo barimo Kabarebe na Muhire. Abo bakuru b'ingabo ngo bamusabye
ko yakwihanganira ibyamubayeho nk'umugabo ku neza ya
bose nk'uko byahoze byigishwa muri Cyama. Ngo
bari bamubwiye bati : "Cunga matunda yako mbele
kama kawayida!". Uyu munsi kandi
Karegeya yagombaga kwibonanira na mwenyewe muzehe Kidjana.
Ikinyamakuru Umuco cyo cyatangaje
ko hari igihugu k'igihangange cyari cyafashije Col Karegeya kubona akazi mu gihugu Cya SUDAN. Ni ukubitega amaso!
Ngaho rero rubanda rw'umwami
cyane cyane mwe mwese yagiriye
neza, nimumuhe ikaze aho i shyanga
inyuma y'u Rwanda!
Mumubwire muri rwa rulimi yumva neza
cyane muti: Well come Mr Patrick Karegeya! Enjoy your stay in exile!
Don't forget this: Il n'est jamais trop
tard pour bien faire. Surtout pour fuir son ennemi. A condition toutefois de se
tenir prêt à démasquer son ami d'hier devenu l'ennemi d'aujourd'hui.