Bamwe
mu bacitse ku icumu bandikiye Perezida Kagame ibaruwa imusaba
kubahumuriza.
http://news.igihe.org/
Tariki ya
11 Mutarama 2011 ku isaha ya saa sita n’ iminota 15
z’ ijoro (00h15), nibwo
bamwe mu bacitse ku icumu bagera kuri 23 bashyize ahagaragara ibaruwa
“itabaza”
bandikiye Perezida wa Repubulika Paul Kagame.
Ibaruwa dukesha Ikinyamakuru Umwezi cyasohotse kuri uyu wa Kane tariki
ya 20
Mutarama nacyo gicyesha Ibuka; Umuryango uharanira Inyungu z' Abacitse
ku icumu,
iteye itya:
Nyakubahwa Perezida wa Repubulika,
Twebwe abacitse ku icumu n’ inshuti zabo dutuye mu Rwanda
ndetse no mu mahanga,
turamagana itumirwa ry’ abantu bagize uruhare mw’
itsembabwoko ryakorewe
Abatutsi muri 1994 mu nama y’ umushyikirano yahamagajwe,
igategurwa, ndetse
ikanayoborwa na Leta y’ U Rwanda.
Nyakubahwa Perezida, kuba Leta yarafashe icyemezo cyo gushakisha no
kutumiza
abantu nka Ernest Gakwaya alias Camarade, Aimable Ngabitsinze na
Maurice
Rwambonera ndetse ikabishyurira ingendo; kuba mu basirikare bakuru
b’ ingabo
ndetse n’ abahagarariye u Rwanda mu mahanga barafashe umwanya
wo kwigaragaza
hamwe n’ abo bantu, byatumye twibaza aho Leta y’ U
Rwanda ihagaze ku kibazo cya
Jenoside ubwacyo, aho ihagaze mu gukurikirana abagize uruhare muri iyo
Jenoside, no mu guca burundu ipfobya ry’ itsembabwoko
ryakorewe Abatutsi muri
1994.
Nyakubahwa Perezida, kuba abantu bagize uruhare ruzwi mu itsembabwoko
ryakorewe
Abatutsi baza mu Rwanda nk’ abatumire ba Leta, bagatambagizwa
igihugu
n’abayobozi bakuru, bihahamura abarokotse ubwicanyi
bw’ abo batumirwa, cyane
cyane ababyeyi n’ abakobwa bafashwe ku ngufu n’ abo
bagizi ba nabi. Ndetse
bihahamura kandi abacitse ku icumu muri rusange.
Turasanga ibi ari ibikorwa bitandukanye n’ amatwara ndetse
n’ amatangazo,
amabwiriza y’ igihugu cyacu asanzwe avuga ko gupfobya
jenoside bitazihanganirwa
kandi abagize uruhare muri jenoside bazakurikiranwa.
Nyakubahwa Perezida, tubandikiye uru rwandiko kugira ngo tubamenyeshe
impungenge twatewe n’ itumirwa rya bariya bagabo ndetse no
kwiyerekana hamwe
nabo kwa bamwe mu bayobozi, kuko bigaragara mu maso ya benshi nko
gushinyagurira abarokotse genoside. Ntabwo twareka kwamagana ibi,
ndetse ngo
tunabibamenyeshe cyane cyane ko twizera ko iki ari ikibazo mwumva.
Nyakubahwa Perezida, turangije tubashimira k’ ubwitabire
muzaha impungenge
zikubiye muri iyi nyandiko, tunabasaba ko mwaduhumuriza,
mugahumuriza
abacitse ku icumu bose ndetse n’ Abanyarwanda twese muri
rusange ko ubusabane
n’ abantu bagize uruhare muri jenoside budashobora
kwihanganirwa ahubwo ko Leta
y’ u Rwanda muyobora igiye kongera umurego mu kubakurikirana
kugirango bagezwe
m’ubutabera.
Tubifurije umwaka mushya muhire wa 2011. Uzabere u Rwanda umwaka
w’ amahoro, ubutabera n’ amajyambere.
Murakarama.
Abashyize umukono kuri uru rwandiko:
1. Philibert Muzima
2. Hiram Gahima
3. Olivier Kameya
4. Gallican Gasana
5. Jeff Nsengimana
6. Jean Claude Nkubito
7. Placide Kalisa
8. Odette M.Shyaha
9. Onesphore Mugarura
10. Etienne Masosera
11. Mari Claire Mwanayindi
12. Appoline Mukandanga
13. Aloys Kabanda
14. Ange Twagirayezu
15. Jacqueline Cyamazima
16. Anne Uwamahoro
17. Deo Mazima
18. Domina Rutayisire
19. Louis
Nkubana
20. Dada Gasirabo
21. Gaudence Karimangingo
22. Theodore Wintega
23. Ariane Mukundente.
K.J : Umva amagambo izo
ntore zavugiye m’umushyikirano w’I
Gakwaya
Ernest alias
Camarade.